新東寶翻譯製作 : (超長篇連載遊記) 過去三年，去日本參加AV女優event既甜酸苦辣。第二章後記雜談

開始第三章之前，都係同大家講一講中間幾個月既事等大家睇得冇咁dry

---

2月嗰陣有一個飛鳥同戶田真琴一齊既event，之前兩個一齊拍既節目出碟，順勢推個event谷一谷啲銷量。
呢類event嚴格嚟講都唔係好關AV事 [sosad] 只係佢地兩個去玩既節目，好似啲旅遊節目咁，內容超級健康 [sosad]

預告片係咁既:

https://www.youtube.com/watch?v=faaqvoUf90A

當時因為攞唔到假，所以無奈放棄，但係就拜託咗當時有過去參加其他女優event既巴打幫手買碟同攞劵。
冇得去要張券嚟做乜？除咗攞嚟幫手谷下參加人數之外，仲有就係po上Twitter呃like #:)#fs
海外FANS追女優有時就係咁無奈，望住個event又冇得去，唯有幫手買隻碟叫做支持下。

(隻碟幾抵買，每隻都跟一張簽名即影即有，仲要係Blu-ray嚟。)

-- --

睇返飛鳥Twitter啲舊相，發現佢原來係布甸狗FANS嚟，之前一週年既event仲cosplay過。

嗰時己經被金拱門收購咗既老麥，就出咗套布甸狗既新年公仔，當時已經唔想食咁多老麥，就平平地上網收咗成set返嚟，諗住下次去event可以送，唔駛每次諗送咩都諗到頭爆。

(事後發現要將最大嗰個塞入個喼都唔係咁易，都係細細個既毛公仔最好。)

-- --

3月既時候，葵司就去咗泰國拍寫真集。
呢本我買咗返嚟到而家都未開過嚟睇，呢本應該係佢剪咗短髮之後既第一本寫真，影出嚟啲相好有女人味。

SOD嗰邊就搞咗個自己人既頒獎禮，叫SOD Award，其實就係人人有份永不落空，去得都有獎拎，有啲似公司春茗既感覺。
雖然係分豬肉，投票都要做個樣既，當時搞網上投票，每日都可以投，我亦都每日出個Tweet去拉票。
投票最後嗰日，飛鳥出Tweet多謝支持佢既FANS，亦係佢喺Twitter第一次提起海外FANS去佢event既事。