第一章番外篇: 桃乃木嚟香港(17年11月)
多謝哂大家既正評同cm先
反應幾好就出多少少
呢一段係喺香港既event嚟，同埋同AV冇關係，我當番外篇咁寫。
話說人中之龍呢隻game相信好多巴打都有玩過，有玩過既都知佢每一集都會請女優嚟做真人CG，女優會變成game入面其中一個角色，玩家操控主角既時候有得同佢互動。
17年嗰時出人中之龍2，就請咗桃乃木かな同另外4位女優做嗰集既CG女優，而為咗宣傳隻game，SEGA呢邊當時就請咗隻game既製作人，同埋桃乃木嚟香港，搞一場見面會。
而且呢個活動仲係開放俾人報名去參加
(冇玩過隻game既巴打認唔認到邊個打邊個呢
)
(Cap自當時既Playstation FB)
當時同一班葡萄post既巴絲打都好開心，首先係因為好多人都鐘意桃乃木，第二係唔駛錢有得見女優，又唔駛搭飛機去日本，大家都好想抽得中有得去。
當時仲擔心抽唔抽得中，後尾發現報名既人應該唔多，因為差唔多我地有報名去抽既都中哂
小弟都係其中一份子
如果你問我去係為咗隻game定係桃乃木呢...隻game係好好玩
不過我好想見桃乃木
(當時桃乃木有兩套同SOD既市川既合拍作品推出
知你地想點，番號係IPX-077同Star-862）
-- --
活動前一日，桃乃木就同佢個光頭經理人嚟咗香港。
當時都有FANS去接機，有啲都係圍內識既戰友，嗰日就係捕住喺機場等桃乃木，因為唔知邊班機嚟，唯有一早捕定。
嗰日我要返工做社蓄
冇份去
好彩嗰日都唔駛等好耐，晏晝就已經見到桃乃木出Tweet話到咗，亦都見到接機既幾位FANS。
而當晚桃乃木仲去咗食點心，好似係一間喺尖沙咀既中菜館。
(桃乃木平時咁大食，呢個份量起碼要3 round佢先夠飽）
到活動當日，我就同幾個呢邊既巴絲打，同埋葡萄嗰邊既巴絲打約好咗，大家一齊上去。
上到去登記完，大家即刻搵位坐，最近stage既枱都俾哂主辦同記者，我地坐大慨中間左右。
唔駛等好耐活動就開始，桃乃木就著返佢喺game入面嗰條裙出嚟，真人好可愛吖
我地亦都順勢行前啲去影相，響記者鏡頭中間搵位影![[photo]](https://cdn.lihkg.com/assets/faces/normal/photo.gif)
(支粉紅色penlight印住桃乃木個名，係香港桃乃木FANS既精心杰作)
當晚主持喺桃乃木玩緊隻game既時候，係咁講有味笑話，譬如問佢平時鐘意食咩，哦唔知桃乃木小姐鐘唔鐘意食腸仔呢，之類。
我自己係好反感呢種麻甩當有趣既主持，唔止我，當晚睇直播既觀眾都有唔少人鬧個主持唔尊重女嘉賓。
就算人地本職係AV女優，但人地今次嚟係出席隻game既宣傳，同佢本身職業冇關，做AV女優亦唔代表奉旨要俾你性騷擾。
https://www.facebook.com/watch/live/?v=1580345335321449&ref=watch_permalink
(嗰晚既直播)
撇除呢樣，嗰晚係開心既，有得見下女優，個post既巴絲打又可以出嚟見下面，大家當係一個小型網聚咁。
之不過食野嗰時，其他枱就傾緊隻game，研究緊邊集音樂做得最好，我地就傾緊...
「喂日本嗰邊今年唔知仲搞唔搞成人展喎...」
「上年我去駛咗好多錢吖...」
「阿邊個好似好耐冇出片喎...唔知係咪想引退...」
同我地搭枱嗰幾位朋友，響呢度同你地講聲唔好意思
我地其實唔淨止係為隻game而嚟
(Po返兩張靚啲既相，呢啲係桃乃木個光頭經理人影)
-- --
第二日桃乃木臨走之前，就去咗旺角買野。
落機嗰日佢收到FANS寫俾佢既信，入面有教佢點樣講價，桃乃木學完同個小販講「平啲啦」，成功由280蚊講價講到260蚊
送機都有FANS去，拎住兩袋奇華同杯Starbuck，桃乃木就結束佢既香港之旅。
返到日本佢仲有買返部PS4同隻game添
延伸閱讀：
序1 無端端點解會走去追AV女優 + 序2 AV Event的前世今生
沒有留言:
張貼留言