去完第一次event返嚟之後，我個電話除咗儲葵司啲相之外，亦都開始儲埋飛鳥既相。
不過因為葵司冇開Twitter，佢IG又唔係成日update，慢慢飛鳥儲落既相就多過葵司。
每日望住佢地啲日常生活相，想再一次見到佢地既諗法亦都越嚟越強烈。
(因為兩個同一間事務所，飛鳥算係葵司師妹嚟，兩個嗰時都會間唔時一齊出去食飯。)
12月嗰時惠比壽葡萄搞過一場LIVE，不過我嗰時啱啱返新工冇咁多假，12月飛日本又貴，結果冇去到。
呢場Live都幾好睇，當時陣容又好，好多主力既成員都仲喺度。
我地一班海外FANS，有份去既又好，冇份去既又好，當時就夾錢送咗個花牌
同埋原來日本啲花牌，完咗show之後間花牌鋪係會嚟收返，第一次聽到覺得幾神奇，香港嗰啲見親都係擺幾日之後自己攞去扔，日本人喺呢方面又幾環保。
葡萄既Live有分VIP飛同普通飛，最大既分別同event一樣，就係張完場後既大合照。
如果以性價比嚟講，葡萄Live係好抵去，一場入面你可以一次過同咁多個女優影相，雖然冇得好似event咁傾幾句，不過呢張相都夠自己威足一世。
(借個當日有去既巴打張相一用，你又認得出幾多個女優呢
)
-- --
講起葡萄Live，就要講返6月嗰時出咗Album之後既一次全國巡迴Live，尾場有初代成員驚喜上台，前輩嚟到就梗係要窒一窒啲後輩，於是蒼井空就講咗以下呢段說話。
哎呀頂你個肺又真係駁唔到
當時開始有工返，有返穩定收入，駛錢都大膽啲，就託去日本既巴打幫手買返啲生寫真返嚟
-- --
中間呢幾個月，葵司最大既轉變係剪咗短頭髮，同埋同橋本拍咗套潮吹主題既合演。
得喇番號係SSNI-056吖，各位麻煩多啲買正版碟啦
(短髮幾清爽
)
(飛鳥都有去睇12月嗰場Live，最右邊係吉高寧々。)
而飛鳥就出道一週年，11月日本有成人展，SOD有參加，飛鳥都係其中一員。
(呢件類似棒球衫既物體喺之後既遊記都會出現。)
佢同戶田真琴係同期出道，兩個又係喺SOD，於是做咗好朋友，中間仲拍咗一集一齊去京都玩既節目。
(之後既遊記會有戶田，真人都好可愛。)
而我喺香港可以做既，就只有間唔時搵啲啱主題既相，出個Tweet tag下佢地，搵下存在感。
聖誕節同新年，我都有出個Tweet tag返佢地，飛鳥多數都有like返。
-- --
又同大家分享下我對於女優玩呢啲social media既睇法
勤力update
Twitter
IG既女優，某程度上都可以睇成係佢事業心好重，會想維持住自己喺FANS心目中既地位，等FANS多啲見到自己，同FANS分享自己今日去過邊做過乜食咗乜，間唔中po下啲性感相，宣傳下自己新作，等自己曝光率高啲，人紅就自然財源滾滾來。
記性好既女優，或者有心經營自己形象既女優，都會盡量記住成日嚟留言，同埋每一個有嚟過event既FANS，FANS就係你既米飯班主，你留得住佢個心，佢每個月就會定時定候買你啲片，有親event都一定會嚟捧場，你同片商傾片酬既時候又可以大聲啲。
識玩既FANS會喺Twitter度同女優留言傾下啲飲飲食食既話題，後生女仔最鐘意呢啲吃喝玩樂野，同溝女一樣，識得投其所好，你喺個女優印象中都會好感度up。唔係話唔傾得啲嚴肅野，不過以我觀察其實好多女優都係時事冷感既...
識玩既女優除咗Twitter會回覆FANS之外，喺event仲會有好多「神對應」，意思即係就算你係同佢第一次見面都好，佢都會好熱情好開心咁同你玩，等你有賓至如歸既感覺；熟既FANS就更加唔駛講，每次去event都會有美好回憶，玩到唔願走，見未完售既會玩完一round再買多round。
呢一種互動係其他追普通IDOL俾唔到你既地方，特別當同你傾計既係一個AV女優既時候，個滿足感同成就感更加高。
業界有兩個女優喺我心目中玩呢啲event神對應係玩到出神入化，一個係天使もえ，一個係相沢みなみ，兩個都係出哂名對應好勁既女優，有機會既大家不妨去佢地既event體驗一下。
不過呢...相沢已經好耐冇搞過event，希望疫情完咗之後會有返啦
(呢兩個女優啲恩怨情仇好睇過TVB啲膠劇多多聲，有機會同大家回顧下。)
延伸閱讀：
沒有留言:
張貼留言