(原文於30-9-2024 hksecretparty刊登
https://hksecretparty.com/2024/09/28/2024-tre，你同我都可能唔小心錯過嘅幾位二三線av女優%E3%80%82/)
2024年已經過咗一大半，今年注定係相當精彩嘅一年。
今年開始有唔同嘅香港公司開始舉辦AV女優嘅見面會活動，大家都各有風格同特色，玩法、賣點、活動福利都別出心裁，為唔方便飛去日本當地玩event嘅香港朋友，提供多一個選擇；喺其他亞洲唔同嘅國家，台灣、南韓、泰國，今年都各自舉辦大大小小嘅成人展，喺服飾上同活動內容都加入各地唔同嘅文化，對於外地遊客嚟講，處處都充滿驚喜；最後當然就係日本當地嘅AV女優event，幾乎每個週末都有一籮接一籮嘅event等住大家去參加，周圍都見到海外華人FANS排隊嘅身影，女優要不斷喺英文同日文之間切換嚟應付FANS，都相當唔容易。
2024年都已經咁精彩，唔知2025、2026年仲會有啲咩新鮮事，等緊我哋去面對同遭遇呢？
今年嘅台灣成人展TRE，小弟喺打風期間用咗兩日一夜，火速將遊記打好並且呈獻俾大家喺颱風天氣之下解解悶，有一啲detail位由於文章節奏同篇幅關係，喺遊記入面冇好好咁介紹到。今日就請俾個機會小弟公器私用，借用HKSP呢個專欄，為我呢篇趕馬上任嘅遊記補充一下。
以下為大家介紹嘅，係我覺得喺2024年TRE入面，令我眼前一亮、相當期待佢未來發展嘅幾位二三線AV女優。
首先想介紹嘅係一位嚟自Prestige嘅新人女優，佢叫做釈アリス（釋愛麗絲）。
釈アリス係今年9月先至出道嘅新人，冇錯，佢係喺出席完8月嘅TRE活動之後，先至公佈9月推出Debut作嘅消息，先見其人後見其片，都算係相當另類嘅宣傳方法，亦都令呢一位新人成功製造唔少話題。
GNI-005 新人 プレステージ専属デビュー 釈アリス 黄金の9頭身 1度ハマったら帰れない、アリスインワンダーランドへようこそ。
一頭清爽嘅短髮，真人比起Debut作封面嘅佢更加明豔照人，169cm高嘅高佻身材亦都惹嚟唔少男FANS嘅目光，相信24年下半年會係呢一位Prestige新人打響名堂嘅黃金時間。
第二位想介紹嘅係前名佐佐波綾，而家以新名小那海あや（小那海綾）喺AV業界活躍嘅細粒可愛型女優。
喺TRE嘅大舞台又好，海鮮丼轉盤都好，只有150cm高嘅小那海あや都非常主動擺唔同嘅pose俾台下嘅FANS影相，可愛嘅表情同動作非常吸引大家嘅鏡頭。2016年以佐佐波綾嘅藝名喺アリスJAPAN出道，18年引退，23年宣布復出，雖然只係短短幾年經驗，但睇嚟佢已經十分清楚FANS想要嘅係乜嘢。只係「主動」呢個舉動，就已經值得大家為佢喺記憶卡入面留低唔少位置。
熱愛棒球嘅小那海あや，亦都收獲咗唔少鐘意棒球嘅AV Fans，唔知道同佢切磋棒球同其他友誼運動嘅時候，佢又會唔會一樣咁主動？
MKMP-534 奇跡が、また始まる。復活 小那海あや
之後就係去完TRE，喺台灣FANS心目中人氣急升嘅田野憂，原因無他，全因為佢嗰對L Cup嘅巨乳，現場睇到真人，真係相當震撼。
雖然...都真係晒得黑咗少少。
SONE-221 新人NO.1STYLE 田野憂AVデビュー Lカップでスリムで美少女、男の好きが全て詰まってる
最後呢一位就係SOD Star旗下嘅專屬女優MINAMO。
由接機嗰陣見到佢嘅Fashion sense，再到TRE大舞台上嘅從容不迫，令到我對呢位短髮女優有唔少改觀。喺出道嘅時候小弟相當唔睇好MINAMO嘅發展，冇估到近一兩年MINAMO成功收獲唔少男女FANS嘅歡心，而且仲要有唔少係因為鐘意佢嘅外型同著衫，而成為佢嘅FANS。
假以時日，MINAMO會唔會都成為以時裝觸覺令自己享譽承名嘅AV女優？
STARS-371 MINAMO 超大型新人 AV DEBUT
以上幾位就係小弟喺今年TRE入面，覺得有眼前一亮嘅感覺，又或者見到真人之後有改觀嘅AV女優。每一次參加呢啲大型成人展，都係可以好好觀察同了解AV女優嘅黃金時間，有冇潛質同能力可以喺呢個業界立足，憑一啲細微嘅動靜同談吐，有時就已經可以預知一二。
今個月嘅專欄都係內容比較欠奉，請原諒小弟最近幾個月真係分身不暇，等到手上嘅問題同情況穩定落嚟之後，一定會繼續帶俾大家精彩嘅日本AV文章內容，感謝大家嘅不離不棄，我哋喺下一篇文章再見。
