(原文於28-7-2026 hksecretparty刊登
https://hksecretparty.com/2026/07/28/tre-2026台北國際成人展-女優陣容後日談/)
輕輕咁休息咗一個月，「新東寶AV映畫」（我寫到呢度先發現自己已經唔記得呢個專欄叫咩名）繼續返嚟同大家分享小弟對於日本AV業界嘅所見所聞所想。
今年同往年其中一個最大嘅分別，就係台灣國際成人展TRE由以往嘅8月改為喺7月舉行，聽講係為咗要避開台灣市長選舉嘅敏感時段，而且聽講今年能夠繼續順利租用南港展覽館作為場地，背後都經歷一波N折先成功。喺呢度再一次感謝主辦、所有女優、以及所有台前幕後工作人員嘅付出同努力，令今年嘅TRE能夠順利進行。
小弟今年當然都有入場參加晒三日嘅活動，同往年一樣，都係買張入場券入去影下相，同一班五湖四海嘅巴絲打聚下舊傾下計，呢啲都係我去TRE嘅終極目的(?)；再加上今年無論由主辦JKF邀請嘅大台女優，定係攤位邀請嘅女優都好，都同上一年TRE 2025嘅分別唔大，所以更加提唔起動力同興趣去搶卡同喺活動上課金，淨係買入場券繼續入去做下免費仔，意思意思咁就算了。
同好多朋友嘅睇法一樣，我自己都預期下一年嘅TRE 2027喺女優陣容上都會大執，一啲經常嚟但又冇乜太大特色嘅女優，預計將會迎嚟一次大洗牌。每年都有咁多人出道，而且大部分女優都唔抗拒出席TRE，所以可以選擇嘅女優都相當多。今期呢篇專欄小弟並唔係想預測有咩女優會嚟，畢竟個Pool太大，而係經過呢三日嘅觀察，我想預測一下有邊啲女優可以留低，又有邊啲有機會被篩走，同大家嚟一個TRE 2026國際紅人展後日談。
先由大台女優講起，白金卡今年有三位女優，比起往年多出一位，正所謂物以罕為貴，白金卡嘅位置越開越多並唔係一個好嘅趨勢，我自己預期下一年白金卡會回歸兩位女優嘅陣式，令成個TRE陣容更有觀賞性。
除咗上年冧莊嘅河北彩花同桜空もも（櫻空桃）之外，今年多出咗瀨戸環奈呢一個由白銀卡空降而嚟嘅皇牌，如果要回歸返兩位女優陣容嘅話，我覺得桜空もも會係最大機會被淘汰走，一嚟桜空已經出道十年，新鮮感同另外兩位白金女優相比都顯得不足，二嚟桜空嘅銷情唔算特別標青，並唔係嗰種冇咗佢就唔得嘅情況。
以主辦嘅立場，台上企喺正中間嘅兩位白金卡女優都係業界嘅兩位最強女優，會係最美好嘅畫面。今年白金女優繼續有桜空，可能係主辦想留低桜空參加埋今年嘅活動，又或者事務所T-Powers幫佢爭取返嚟，但下一年相信唔係咁容易。
至於如果桜空下年不幸由白金女優淘汰走，會唔會退落去做金卡女優或者攤位女優？以我本人對桜空嘅理解，如果酬勞不變，桜空係願意做返金卡女優；至於攤位方面，暫時睇唔到有邊個攤位有呢個能力食得起桜空呢位女優，所以就算桜空繼續參加TRE，以大台女優身份出席嘅機會依然係最高。
至於另外兩位白金女優，河北彩花同瀨戸環奈，如果嚟緊一年內冇咩大問題嘅話，冧莊嘅機會相當大，畢竟又有邊個唔想睇到業界最強嘅兩位女優都企喺舞台中間位置呢。
金卡女優方面，同上年相比今年只係換走金松季步，換入七ツ森りり（七森莉莉），其餘嘅女優喺陣容上都冇邊位特別突出，大家嘅人氣實力都相當平均。
撇除今年因為個人原因無法參加嘅Miru，今年嘅九位金卡女優喺銷情上，墊底嘅分別係七ツ森りり同西宮ゆめ（西宮夢），以上兩位女優下年都大機會被換走。七ツ森今年第一年上金卡，但未能得到理想嘅銷情成績，西宮ゆめ就已經係連績兩年嘅金卡女優，但都係金卡陣容入面銷情最後兩三名，主辦換走佢嘅機會都相當高。
其餘剩低嘅七位女優，都係金卡女優嘅表表者，而且仲係非常難得地大家嘅銷情都相當平均，除咗石川澪同涼森れむ（涼森玲夢）賣得比其他女優快少少之外，大家嘅銷情其實都差唔多，可以算係金卡嘅基本盤，會改動嘅可能性我個人覺得唔大。
至於今年缺席嘅Miru，下年會唔會仲繼續可以做到金卡女優，就真係要睇睇佢今年缺席嘅主要原因到底係啲咩了，如果背後原因係一個合理，而且可以理解同諒解嘅理由，我相信主辦仍然會願意俾呢位人氣女優回歸大台。
相比起金卡，白銀卡同銀卡嘅女優實力上下限懸殊得多，賣得好嘅真係會令人覺得「點解佢上唔到金卡？」，賣得差起上嚟會令人不禁要問「下年佢仲嚟唔嚟到？」，但呢個都係白銀卡嘅一個有趣現象，亦係俾大家睇到喺日本AV女優之間人氣層次上嘅分別，就算大家都係一線尾二線頭嘅女優，中間都可以有好大好大嘅鴻溝差距。
今年第一次參加TRE嘅渡部ほの（渡部穗乃），本來我對佢冇咩太大期望，今年TRE嘅事前記者會主辦搵佢上台做其中一位事前宣傳女優，我本來仲覺得係主辦嘅一次失誤，但冇估到佢係少有嘅「真人比上鏡順眼」嘅女優。雖然都係有明顯嘅改造痕跡，但一對大奶奶擺出嚟就係實力，相比起其他偏向妹系嘅白銀卡女優，渡部ほの今年嘅成績比想像中好，我個人覺得下年留得低嘅機會相當高。
另一位都係今年第一次參加TRE嘅逢沢みゆ（逢澤美優），表現不過不失，冇太大嘅驚喜，亦冇啲咩太失望嘅地方。作為今年業界嘅勞動模範，單單係拍片量為佢帶嚟嘅曝光度，都已經令佢夠資格下年繼續躋身喺白銀卡女優陣容之中。今年可能係第一年參加，對於平時都唔多event嘅逢沢嚟講，未太拿捏到同海外Fans對應嘅尺度同態度，下一年可以再俾一次機會佢，睇下會唔會有更好更亮眼嘅表現。
純白彩永同三田真鈴，兩位我覺得都係今年白銀卡陣容嘅大贏家。純白彩永都係第一年參戰，但喺對應方面維持一貫Bstar事務所女優嘅作風，大打親和力同嗲功，今年喺一眾前輩女優身邊都完全唔遜色；至於由妹系升格成女友系女優嘅三田真鈴，靠住上年喺攤位所累積嘅對應好評同人氣，今年依然繼續人氣超然，一個唔覺意，下年喺金卡女優嘅陣容上面見到佢嘅名字出現，都唔出奇。
至於其餘嘅一眾「老將」，包括本庄鈴、田野憂、めぐり（惠里）、浅野こころ（淺野心）等等，都係白銀卡嘅鐵膽，暫時未到差到要換走嘅必要，但如果喺主辦嘅角度想要啲新鮮感嘅話，呢啲鐵膽女優就有機會成為犧牲品，到時就睇下主辦會點樣取捨了。
最後想同大家分享嘅，係我覺得喺下年有機會會由攤位升級，被主辦睇中成為大台女優嘅「滄海遺珠」。首先係今年備受好評，亦係全場女優入面最年輕嘅林芽衣。
除咗年紀係一大優勢之外，纖瘦同時身材又有啲睇頭嘅外型，再加上青澀得嚟又唔怕太蝕底嘅對應，令人激發出保護欲，喺一眾巴打之間屢獲好評。如果佢嚟緊一年喺AV業界可以維持住一定嘅曝光嘅話，喺下一年TRE成為大台女優嘅機會相當大。
除此之外，做咗兩年攤位女優嘅YUUKA、今年回歸海外活動市場並且再戰TRE嘅香水じゅん（香水純）、仲有彩月七緒同榊原萌，喺我眼中都有機會成為下一年大會女優嘅觀察名單之中。
今年出道嘅新人女優反而未必咁快會得到主辦嘅賞識，喺主辦嘅立場，先俾新人女優喺攤位度試一試水溫，睇下反應，如果有好似林芽衣咁樣特別標青嘅成績嘅話，再下一年先招攬佢成為大會女優都唔遲，至少有一啲基礎數據支持先，咁樣相比起一張clean sheet就咁行入嚟，更有說服力。
以上就係小弟對於今年同明年TRE嘅愚見，每一年都有同一個有趣嘅現象，就係喺名單公布咗之後，總有幾位女優會有人覺得「點解佢咁都做到XX？」，同埋「點解佢今年冇份參加？」。出於商業角度，女優喺TRE嘅出場與否，決定嘅原因可以有好多，但自己鐘意嘅女優參加與否，同埋喺邊一個名單之中，已經成為每年AV業界Fans討論度最高嘅話題之一。每年嘅TRE，已經成為AV業界，甚至係整個成人業界一個相當重要，同埋重視嘅節目。
今年11月喺香港舉辦嘅AEE，都係同TRE一樣以AV女優做主打嘅大型活動，務求打造出一個香港版本嘅TRE，會否成功都仲係言之尚早，畢竟兩地嘅文化、經濟、甚至政治氣候都大不相同；但喺話題性上，會唔會慢慢都做到好似TRE一樣咁有討論度，同埋令日本女優都夢想自己有朝一日可以參加呢？呢個我覺得都係大家可以留意一下嘅地方。
就等我哋繼續好好咁觀察一下日本AV業界走向海外嘅發展吧。
我係新東寶，多謝你收睇我嘅文章，我哋喺下一篇專欄度再見。
沒有留言:
張貼留言