(原文於21-11-2024 hksecretparty刊登
https://hksecretparty.com/2024/11/21/瀨尿蝦加牛丸都唔代表一定好食，moodyz最近一個令我/)
睇唔明，真係睇唔明。
小弟有一個幾唔好嘅習慣，對於自己鐘意嘅女優嘅作品，會特別奄尖同挑骨頭，睇嘅時候永遠都有種恨鐵不成鋼嘅心情；明明個企劃可以寫得更加好，女優嘅設定可以更加完善，呢度加啲、嗰度加啲，出嚟俾觀眾嘅感覺一定更加滿足等等，小弟會一直長開個上帝視覺嚟品評自己鐘意女優拍嘅作品，最後通常都會淪落到一個結果：越嚟越少睇自己鐘意女優拍嘅AV作品。
相反，對於一啲普通作品，小弟嘅包容程度都會相對提高，由雞蛋裏面挑骨頭，變成爛船都總有三分釘嘅心態，總可以搵到一兩個值得留意嘅地方。唔好J都唔緊要，吖，今次呢套去呢間情趣酒店，後面落地玻璃個夜景又幾OK喎。
不過今日，小弟並唔係想針對某幾個女優嚟評論，而係想針對Moodyz一個由2022年就開始拍嘅企劃：呢個企劃拍咗8套，睇到今時今日，我都完完全全理解唔到呢個企劃吸引嘅地方喺邊度。如果純粹係出演嘅女優演技不盡人意，咁可能換個女優做會有另一番氣象，但問題係就算換過七個女優去做，我都係睇唔出呢個企劃嘅吸引性喺邊度...
講緊嘅，係「ソープ部を新たにつくった生徒会長がエッチな衣装で大奮闘！」 （穿上性感服裝，Soapland部新任會長大奮鬥！）。
MIDV-959 ソープ部を新たにつくった生徒会長ありなちゃんがエッチな衣装で大奮闘！発射無制限サービス 新ありな
由Moodyz嘅專屬女優出演嘅呢個...呢個...名稱帶住「Soapland」，但背景係校園嘅企劃，設定相當簡單：就係由每位女優出任校園Soapland部嘅新任會長，為咗振興Soapland部嘅頹勢，新任會長就需要換上一套又一套嘅性感內衣服飾，喺學校招攬學生入會。至於對象，當然係男同學。
MIDV-036 ソープ部を新たにつくった生徒会長さくらちゃんがエッチな衣装で大奮闘！発射無制限サービス 水卜さくら
可能係我對校園嘅印象過於刻板，我每一次睇呢個企劃，都總係有一種非常強烈嘅違和感。校園，但搭配Soapland? 即係叫班中學生提早接觸情色產業，定係俾佢哋搶先體驗地下社會文化？呢一種可以稱得上為「早熟」嘅背景設定，令到每一個場景嘅混合畫面都有一種cult片嘅感覺存在。
MIDV-109 ソープ部を新たにつくった生徒会長みあちゃんがエッチな衣装で大奮闘！発射無制限サービス 七沢みあ
如果單純只係為咗令到性感情趣內衣呢個要素，喺校園入面嘅出現變得合理化，咁Prestige嘅著名企劃「超！透け透けスケベ学園」（超級透明淫亂學園），就喺設定上嚟得更容易接受。只係簡簡單單將校服變成透明材質，同樣都可以做到呢種將情趣內衣帶入校園嘅要素，亦有一種趣味嘅感覺存在，睇到老師同學生望住女優身上嗰件透明校服嘅眼神，你都仲會明白呢間係一間學校，佢只係著咗一件特別少少嘅校服，然後進行學生老師之間親切嘅交流。
但校園入面開設Soapland，到底應該用一個點樣嘅心態去理解先啱？
ABP-866 超！透け透けスケベ学園 CLASS 02 美しい裸身が透き通る、透けフェチ特濃SEX！ 鈴村あいり
MIDV-490 ソープ部を新たにつくった生徒会長玲奈ちゃんがエッチな衣装で大奮闘！発射無制限サービス 宮下玲奈
喺課室入面開一張水床，喺更衣室入面著住兔女郎服裝大玩騎乘體位，呢種突兀感可能就係呢個企劃嘅特色。可能會話，想喺一套天馬行空嘅AV入面搵到合理嘅解釋，係有啲強人所難，但校園同Soapland，喺我心目中真係完全大纜都扯唔埋嘅關係，格硬將兩者融合起嚟，反而有種不倫不類嘅感覺。
MIDV-248 ソープ部を新たにつくった生徒会長澪ちゃんがエッチな衣装で大奮闘！発射無制限サービス 石川澪
如果係由我去執導呢個企劃，我會嘗試加多一啲轉換嘅元素，令到成套片嘅感覺更加舒服同自然。
例如新任會長一開始只係用派傳單等等傳統嘅方式做招徠，但冇任何效果，機緣巧合之下佢決定把心一橫親身著住情趣內衣上陣，中間可以加插一段佢試衫期間被男同學偷窺嘅場景；然後新任會長每一次親身招徠，都要由普通校服開始，喺男同學面前換衫，要有嗰個變身嘅過程，再開始接駁返之後嘅款待，咁樣既可以加重校園嘅氣息，同時又不失Soapland嘅儀式感。
如果再加埋，男同學完事之後要喺課室門口擺低入會費，會唔會更加貼近現實呢？
MIDV-219 ソープ部を新たにつくった生徒会長希望ちゃんがエッチな衣装で大奮闘！発射無制限サービス 石原希望
AV就係咁天馬行空，但我認為一套建基於現實處景，同埋加入現實有大機會發生情況嘅寫實AV作品，會令觀眾更加有共鳴同體會，喺校園入面有一個Soapland部，好似太過超現實。我應該要選擇回憶嘅，係當年偷睇女同學裙底嘅時光，定抑或遙望下一次幫襯Soapland嘅時候，叫個囡囡嗌返我讀書時候嘅花名？邊一樣先至會令我有超脫現實嘅錯覺？
不過要搵呢個作品嘅優點嘅話，最值得一讚係背後塊黑板，每一套作品都畫得好有心思，工作人員應記一功。
相信仲有好多我哋睇唔明嘅AV，等緊我哋去嘗試理解，同接納佢哋。
我係新東寶，多謝你睇到嚟呢度，我哋喺下一篇文章再見。
沒有留言:
張貼留言