先喺呢度同大家講聲新年快樂先，我係新東寶翻譯製作。
新一年循例都要發表下來年抱負之類，首先想分享既就係小弟喺HKSecretParty開咗一個專欄！
https://hksecretparty.com/category/blog/3378/
感謝HKSecretParty既邀請，喺2022年1月開始小弟喺佢地既網頁會有個叫做「新東寶AV映畫」既專欄，以每兩個星期一篇既形式同大家講下AV業界既大小事，一啲注目女優既近況，又或者一啲AV既觀後感等等，亦都會有一啲嗰邊既exclusive content，具體內容就遲啲先公佈得，希望到時會俾到啲驚喜大家。
HKSecretParty係香港既一個成人Party(?)組織，有自己既網站，有自己既YouTube Pornhub Channel等等。佢地除咗會定期搞聚會之外，仲會有其他會員分享古今中外唔同既成人性愛話題，介紹唔同既成人文化。傾既Topic由戰後報告，到藝術話題都有涵蓋，相比起其他「地下」既成人Party Group，HKSP喺香港算係比較多人留意同多人討論，會員數目都唔少，涉獵既範疇亦都好多，所以大家以後睇完我喺嗰邊既專欄之後都不妨喺入面周圍行下，睇下會唔會發掘到其他精彩野。
當然入面可能會有啲性少眾啲既話題，希望大家抱持住個開放心態去睇同了解，就當知多樣野啦。
老實講對於開專欄呢件事…一開始係幾冇信心，一嚟係一直都覺得自己寫既野冇乜內涵，充其量只係一啲自娛既飛機文，未去到開專欄呢個級數；二嚟畢竟係一個成人Party網站，喺入面講AV會唔會俾人一種好小兒科既感覺…由接到呢個邀請既第一日，我就一直思考緊呢啲問題。
而家細想返，當初喺連登成人台都係由零開始咁樣既模式起家，由傾AV業界，到之後既劇透影評系列、AV幻想劇、到最近既AV女優訪問翻譯，有邊一樣唔係冇內涵？有邊一樣唔係俾人感覺小兒科？當初都係咁樣心口掛住個勇字就去開始，做下做下就自然搵到個方向，寫下寫下就寫到個感覺出嚟，亦令我明白到只要有heart去做既話，自然會有人留意到。
又或者學我一個朋友話齋，其實大家主要都係想聽下你鳩up，你做返自己，將自己想講既野寫出嚟，唔理喺邊個平台都好，你寫既野就係大家熟悉既新東寶。
同埋自己一向係嗰種上台前好緊張，然後上台前一刻就忽然自信爆棚既類型。反正，既來之則安之。
喺呢度想再一次多謝喺成人台既一班兄弟姊妹，同埋喺出面AV Group既各位朋友，冇你地冇今日既新東寶翻譯製作，冇你地我亦都唔會有呢份衝勁去繼續做呢啲吃力不討好既野，大家經常話我係港版既劍大，實在係唔敢當。但作為現今世代既香港人，我會想行出一條自己既路，做香港既新東寶，做一啲例如廣東話AV翻譯，呢啲香港人先會做到既野。
講返2022年，連登成人台會繼續睇到小弟各色各樣既資訊整合，新片情報、月榜+短評、訪問翻譯、甚至好耐冇寫既廣東話AV故仔，都會努力抽多啲時間去做；呢邊既Blog依舊會貼返成人台既文章，繼續歡迎同大家交流；開咗個Twitter，我會努力keep住每日update一兩篇女優同業界既Tweet，講一講啲觀感，等大家都可以留意多啲。
個人Twitter: https://twitter.com/suntungpo亦都希望可以吸引到更加多既朋友留意AV業界，支持正版，支持自己鐘意既女優。
2022年，繼續希望大家多多指教！
沒有留言:
張貼留言