平安夜晚晚上大家好
我係新東寶翻譯製作唔經唔覺話咁快又一年啦
基本上今年同2020年都冇咩大分別，大家都係喺香港做黎生做社畜，開關通關依然遙遙無期
去日本好似已經由願望變成奢望
今年既大事回顧係最難諗既一年
我做資料搜集既時候睇由年頭睇到年尾，搵極都搵唔到有啲咩有話題性既新聞可以分享下，之前兩年都未試過，諗爆頭都係諗得幾個不過都好過冇啦
短短地同大家做個小總結
整體嚟講，日本AV業界今年算係平安度過，總算捱過咗個奧運，疫情雖然未消退哂，但都對成個行業影響越嚟越細
相反因為普遍經濟差咗，反而多咗人有下海既意願，事務所同片商揀人揀到手軟，今年新人普遍大部份質素都好高，亦都有唔少話題性
雖然偶而都會有啲女優出嚟話搵得少咗，畢竟多咗人爭飯食，下半年又發生咗流出事件，但成個業界內外感覺上都充滿了快活既空氣
比起上年既情況好返唔少以下就係我揀出嚟既幾件業界大事，同埋一啲今年我覺得幾有趣既現象，同大家分享下，唔知我諗到既又會唔會同你心目中既一樣
？
(諗唔到擺咩做頭相
攞隻2021合輯頂住先)- - - - - - - - - - - - - - - - - - - - - - - - - - - - - - - - - - - - - - - -
1. Re:Start的河北彩花
2021年6月既S1作品情報，出現咗一個大家冇諗過佢真係會返嚟既女優，河北彩花。
一齊坐時光機返去2018年4月，河北彩花喺S1 debut出道，只係拍咗6套作品就忽然失蹤，但呢6套作品就成為咗AV影迷心入面無可取替既傳奇。當年既河北彩花只有18歲，E Cup，高佻身材，青春洋溢，非常GFable，絕對有能力稱霸AV界，而佢亦都係2018年FANZA動畫銷量既第一名，留意返，只係出咗6套片就已經係第一名
但當時既河北彩花非常神秘，冇event，冇開SNS，甚至連失蹤，事務所Cruse都冇公開發表過任何一句說話，亦都令河北彩花呢個女優添上一抹神秘既色彩
終於等咗3年，我地再一次見到呢個大名出現喺S1既片單裏面。名為「Re:Start」既復歸，開始佢喺AV業界既第二章。S1片商對於河北彩花既回歸賦予極高規格既看待，將之前6套作品重新發行，全部加入Blu-ray版本，加入埋未公開收錄映像，務求喺正式發行Re:Start既第一套作品之前將人氣炒熱。
甚至仲出咗個complete boxset，復出既新片、6套舊作加上所有未公開影像特典、兩個S1飛機杯、一張簽名即影即有、一隻Documentary DVD、一個摟枕套，售價¥27,280，瞬間售罄。呢啲都係以前從來都冇見過既推廣宣傳攻勢。
(SSIS-129)
結果令人引頸以盼既第一作評價非常好，喺FANZA網平均評分去到4.85，有超過2500個comment，順利成為嗰個月女優榜既銷量冠軍，而喺之後呢半年裏面河北彩花基本上都穩定喺頭三位置，就連安齋らら都唔係佢既對手。
作品題材方面，S1同河北彩花連續4個月都用咗Re:Start嚟做title，其中第4套就以同棲作為主題，同男優素人FANS進行同居一個星期既生活，滿足哂一眾毒撚想河北彩花做女朋友既幻想；嚟到12月28號既第6套作品，首次挑戰劇情類題材，飾演家庭教師誘惑學生，又係一個令人期待既作品。
(12月既家教題材，SSIS-280)
同時，今年亦都推出咗一套VR既作品，搭上業界潮流既順風車，能夠以VR既玩法嚟親近女神，一班影迷同毒撚都紛紛乖乖俾錢，甚至出現「鐘意河北彩花既話買咗絕對唔會後悔」既評語，可想而知又係一套幾令觀眾滿意既佳作。
(呢套我都未睇，SIVR-171)
河北彩花既強勢回歸更加確立咗S1喺業界龍頭既地位，但我更加關注既係之後S1既發展方針傾向。
以往既招牌女優三上悠亞已經出咗道6年，再投放更多資源喺佢身上都唔會有再高既成績，可以攞既獎已經攞哂。三上亦都已經係呢十年嚟最受注目既AV女優之一，佢本人亦都已經成為咗業界女優金字塔既頂端，喺嚟緊一兩年我覺得佢既工作重心會再偏向佢自己既時裝品牌同其他副業多啲，AV女優既身份會慢慢喺佢身上褪色
相反，河北彩花喺S1眼中就仲有好多可能性，3年前只係出咗6套作品就已經成為傳奇，今年既作品成績亦都非常理想，俾咗S1一個極大既信心去投資喺河北彩花身上。而且今次返嚟佢本人亦都積極接job，開Twitter開IG，同之前因為驚俾屋企人發現所以要低調行事既作風唔同，作為新一代既搖錢樹，我預計S1未來會將計劃重心放喺河北彩花身上既機會相當大。
2022年開始，我預言將會係屬於河北彩花既S1新時代
- - - - - - - - - - - - - - - - - - - - - - - - - - - - - - - - - - - - - - - -
2. FALENO既人事調動
記得喺上年既年尾回顧，我形容FALENO係準備撞向冰山既鐵達尼號，外表金碧輝煌，但內裏架構混亂，除咗喺買人方面出手闊綽之外，無論喺拍片既budget上、喺宣傳上、喺創意上，都同普遍影迷既期望有一段距離。
隔咗一年，FALENO都有唔少人事調動，相比起其他大型片商個調動都幾大，同大家複習一下。
首先係2021年年頭既新人川北メイサ，喺FALENO推出咗9套作品就走人，做咗一陣企劃單體女優，而家係本中專屬。
然後有沙月惠奈，FALENO自家培育既親生女，喺FALENO出咗11套，然後都係轉職成為企單女優，效法同事務所既師姐東條なつ，一個月出起碼五六套片。
我自己本身幾鐘意既白坂有以，20年年尾喺Moodyz移藉過嚟FALENO，一共都係11套作品就冇再續約，由AV業界引退，而家以YouTuber身份延續自己既名氣，改咗個同之前同音既名，叫「白釈迦遺」。
極有女人味既天川そら，都係20年由S1移藉過嚟，15套作品之後忽然幾個月都冇新作，直到今日依然都係冇新作既消息，但普遍大家都認為佢同FALENO既片約已經完結，只係未清楚下一步既去向。
永瀨みなも，由Prestige移藉，短短半年就宣佈引退，引退作喺22年1月發售。
然後係河南実里同椎名そら，前者啱啱就宣佈出嚟做返企單女優，後者係神秘消失，冇拍片冇任何update，好似失蹤咗咁。
以上就係整理出嚟比較多人識既幾位前FALENO女優既去向，可以發現到一個情況，暫時除咗川北メイサ之外，冇一個喺FALENO完約之後既女優，係可以去到其他片商做返專屬。
至於空咗出嚟既專屬位置，分別由S1移藉過嚟既吉岡ひより、忽然復活返既小野夕子、嚟緊1月喺SOD移藉過嚟既戸田真琴、同埋另外仲有幾個新人頂上。
而當中，戸田真琴就已經表明會喺一年後引退，喺FALENO只會有12套作品；新人方面，今年3月出道既本田もも、5月出道既夏木りん，都係比較多人睇好既FALENO新一代親生女。
不知不覺FALENO已經創立咗兩年時間，幾位當年高價由S1撬過嚟既台柱，天使もえ、橋本ありな、吉高寧々，親生女二階堂夢(嚟緊改名做本鄉愛)，四個都仲係FALENO既中流砥柱。喺嚟緊2022年以上三個S1移藉既女優都開始邁向完約階段，喺未企穩陣腳既情況下，我覺得FALENO如果想keep住喺業界僅餘既優勢，呢幾個女優都一定要保住，否則就會變成同其他二三線片商一樣，人材淍零、創意欠奉、人員浮動，唔好話要追上S1，連Moodyz IP既車尾燈都仲未見到。
(天使もえ今年中過武肺，橋本今年開咗個人YouTube Channel
)對於打算移藉去FALENO既女優，暫時我對於FALENO既結論都係維持同上年不變
仲係唔穩陣，拍片雖然開始有進步但都係未見到一啲可以突圍既劇本，女優最好唔好為錢而移藉，除非好似永瀨同戸田咁一早有引退既打算，否則好大機會都係完約之後等涷死既狀況
又睇下2022年FALENO會唔會仲有其他大變動啦
有時睇佢點買人放人仲好睇過佢地啲片
- - - - - - - - - - - - - - - - - - - - - - - - - - - - - - - - - - - - - - - -
3. FANZA退出潮
上面就提到FALENO暫時都仲未對S1，甚至成個WILLS集團做成啲咩威脅，而另外兩間大片商SOD同Prestige，見到FALENO喺過去一年自家平台H-Next度搞Digital配信有唔少成績，都紛紛效法FALENO既做法，一改過往依賴FANZA平台既方針
喺今年3月，Prestige就宣佈將會撤出FANZA，亦即係話4月開始既作品都唔會再喺FANZA度賣，而舊有既作品亦都會停止發售，已經買咗既唔受影響
至於SOD，今年7月開始既片都冇再喺FANZA度上架，除咗上面提過唔想依賴FANZA既原因之外，另一個原因聽講係因為SOD換咗新既審查機構，而新既呢個審查機構尺度比起一直沿用既IPPA寬鬆咗唔少，FANZA驚出事所以主動將7月至9月SOD既片都落咗架，而自此之後SOD亦都冇再將新片放喺FANZA度販賣
坊間普遍認為SOD同Prestige一早都不滿FANZA既拆佣分成過高，但無奈FANZA一直都係日本最多人瀏覽既AV售賣網站，唔喺嗰度上架仲可以去邊？
FALENO同H-Next既出現就俾咗呢兩間片商一個動力，Digital配信既做法喺疫情既呢段時間需求比起以往更大，更加令到呢兩間片商的起心肝擺脫FANZA既壟斷，寧願三間公司圍爐取暖甚至射落海，都唔益俾FANZA
時至今日，喺H-Next (FALENO自家平台)、MGS (Prestige自家平台)、SOD Prime (SOD自家平台)，都可以分別買到以上呢三間片商既片，但當中只有H-Next平台先可以「買齊」呢三間
而且呢幾個平台對於日本國外既用家嚟講非常唔方便，H-Next同MGS都需要VPN先至可以用到，SOD Prime又淨係得SOD同FALENO，吸引性有限。當然，我個人會更加想睇到FALENO、SOD、Prestige，三間片商聯合起嚟創建一個新既賣片平台，創造另一個FANZA，可以除咗服務日本國內之外，亦都歡迎海外影迷既課金，等唔想課俾FANZA既影迷有另一個渠道。
2022年就睇下呢場大戰會點發展落去
- - - - - - - - - - - - - - - - - - - - - - - - - - - - - - - - - - - - - - - -
4. SOD Prestige既困境
SOD同Prestige終於狠心擺脫咗FANZA既枷鎖，要面對既除咗係喺新平台上架既外憂，同時仲要面對一啲內患方面既問題。
SOD既情況係最嚴重，一姐紗倉まな即將出道十年，每一日都有宣佈引退既可能；而本來以為會繼承一姐位置既戸田真琴，就喺11月宣佈轉投去FALENO，並且會喺一年後引退，呢一個舉動相信係殺咗SOD一個措手不及；昔日既雙川，市川まさみ同古川いおり，前者退隱返去做SOD既宣傳社員，後者就間歇性出片，兩個都唔能夠擔起一姐既大旗，然後再數落去我地見到既係年資尚淺既小倉由菜、唯井まひろ、本庄鈴等等
作為一間1995年創立，老字號既AV片商，SOD手上既女優陣容比起其他大型片商都差一截，FALENO都識得買天使もえ同橋本ありな返嚟做招牌，起碼呢兩個女優都係一線水平，而且有拎過大獎；相反SOD除咗紗倉之外，其他女優暫時未有好亮眼既成績，人氣方面亦都未去到一線。
而喺新人方面，今年SOD主力推既MINAMO同天音花南，都令人大失所望，外型唔算討好。
對於創意見底，企劃俾戸田真琴鬧到一文不值既SOD嚟講，而家只能夠祈求紗倉まな唔好咁快引退，做多一兩年等SOD搵到一個可靠既接班人，否則片商既整體人氣只會一直走下坡。
(我覺得本庄鈴暫時都係未夠火候
)
(其實如果要揀，我覺得青空ひかり比起小倉由菜更加適合做SOD既招牌女優，大家又點睇？)
Prestige既情況同SOD類近，但比起SOD嚟講Prestige可以用既女優選擇會比較多。
先分析一下Prestige而家內部既情況，自從園田みおん引退之後，領頭重任放返喺招牌女優鈴村あいり身上，但鈴村忽然喺今年7月發表咗一個耐人尋味，疑似被情緒困擾既Tweet之後，就消失得無影無蹤，最後一套作品喺今年10月推出，自此之後就再冇任何關於佢既新消息。
至於另一個多人留意既專屬女優愛音まりあ，亦都喺今年8月宣佈引退，9月發行最後一套作品之後，而家既佢以「maria」呢個名喺Pornhub度開工。
以年資再數落去，之後有拎過新人獎既河合あすな，有夢幻美少女涼森れむ、另外仲有人氣升得好快既八掛うみ，值得一提既係呢幾位都係同一個事務所T-Powers。
(除咗以上嗰三個之外，七嶋舞同流川夕都係好有潛質既新人。)
暫時睇Prestige手上既牌比起SOD好，雖然河合都係出道唔夠4年，但始終都係拎過大獎，喺知名度上有優勢；涼森同八掛都係新一代美少女，兩個人既Twitter follower人數都係好似坐火箭咁直線上升，而且兩個人既外型亦都切合返Prestige既品牌形象，以我嚟睇呢三個女優都有能力同人氣頂住Prestige既招牌
而且喺企劃上Prestige比起SOD玩得更加多元化，雖然都仲係翻炒老本，但都會有加入一啲新元素，新人方面亦都比SOD吸引得多，整體情況比起SOD樂觀。
以上就係我對於呢兩間片商喺2021年發展既睇法，唔知你又點諗呢
- - - - - - - - - - - - - - - - - - - - - - - - - - - - - - - - - - - - - - - -
5. 流出事件
點解會擺到第五位先嚟講呢件事呢
最主要既原因係因為我一套流出既片都冇睇過可以分享到既野唔多大慨整合一下啲資料同大家講下事發經過啦
大慨喺2021年7月左右開始，網上就流傳一段又一段既無碼影片，對於源頭一直都係眾說紛紜，有人話係FC2，有人話係韓國，日本文春周刊又話係中國，亦有人話其實一年前有人一早喺其他渠道買哂所有片，只係而家先逐套拆件上架賣返出嚟
初初只有一啲三四線女優，慢慢推展到去其他大片商，MAXING、SOD、FALENO、Prestige，最後甚至有傳言連S1同Ideapocket都喺名單之內，流出片既數目亦都係呢幾年以嚟見過既最多。雖然暫時嚟到今日WILLS集團都仲未見到有流出，但喺嗰幾個月謠言滿天飛既情況下，已經令到唔少女優人心惶惶。
直到11月中，隨住最後一份聲稱會流出既「名單」冇料到之後，呢次既流出事件先至算暫告一段落
流出既片大家一定睇得比我多，我喺呢度就唔多講，邊個假插邊個假含、有人扮中出有人扮高潮呢啲等等，成人台出面都已經有po集中討論，有興趣睇既嗰邊好多巴打可以幫到你，我喺呢邊主要係想講下流出事件對於女優、事務所、片商既影響。
(其中一個受害者吉高寧々)
先講女優，對於佢地嚟講，基本上由入行開始拍片就已經要冒住母帶有機會流出既風險，現伇既女優都仲可以透過事務所向片商追討賠償，但退咗伇既女優只可以眼白白見住自己既流出影片公諸於世，而且好多退伇女優可能係隱瞞住自己既過去開始咗新生活，同以前事務所已經再冇任何聯絡，就算想追討賠償都冇人可以幫到佢地。為咗減低個影響性，唔理現伇又好退伇又好，最好同最後既處理手法都係冷處理。
不過成件事我比較難理解係點解會有人on9到sd pm同個女優講「你流出嗰塊鮑好正喎
」，係咪想佢疊埋心水引退先咁做
睇都算，何必仲要對個女優二次傷害？
事務所方面，畢竟係連接女優同片商中間既橋樑，女優會透過事務所向片商追討賠償，我相信專屬女優喺簽約既時候會有一啲條款保障返個女優，假如有一日不幸有流出既話，片商會賠償一定既金額作為「撫裇金」，用嚟安撫受事件影響既女優；而企劃單體女優方面，片酬同保障相對都比專屬低，應該喺流出賠償方面唔會有太多既保障，不過呢啲都係我既猜測。
而喺往後發展，事務所對於曾經發生過流出事件既片商一定會忌諱三分，手上搵到高質素既新人都好，都未必會再敢帶佢去出過事既片商面試。一個唔好彩如果事務所冇辦法追討到合理賠償，女優發脾氣消失唔繼續拍既話，事務所都係得不償失，所以發生流出事件之後，事務所喺將來安排女優去邊間片商面試，同埋出事之後安撫女優情緒方面要更加小心，避免過份刺激女優，同儘快穩定情緒避免影響工作。
片商喺呢件事情上責任最大，冇好好把守住資料儲存嗰一關，喺現今既網絡世界要回收又或者刪除一條上載過既片，係一樣冇可能既事。片商同時都要肩負起賠償既責任，同埋其他善後既工作，點樣搵到流出源頭，點樣堵截更多既流出，甚至同手上有流出片既駭客談判傾條件等等，都應該由片商去負責。
而今次流出事件之後，亦都令片商喺以後既作品更加難去「做假」，我地平時睇片見到既潮吹、中出、吞精，擰走啲格仔之後原來都係一幕幕既假象，對於真金白銀俾錢買片睇既人嚟講，並唔係一件好受既事，所以有時有啲野唔係咩都睇得清清楚楚就一定係好睇
就好似你有一日發現你心目中既純潔女神原來好鐘意俾人中出二十連發，可能去到最後你都會說服自己接受到，但係…都係會有啲唔舒服囉
某程度上呢個都係我唔想去搵無碼片嚟睇既原因之一
就由得我保持對日本AV同女優美好既幻想啦
同埋我一直覺得，日本AV打格仔呢項「措施」，對於想入行既年輕女仔係一個好大既心理誘因，亦係保障佢地私隱既一個舉動，最重要最羞恥既部份依然有格仔遮住，我仲可以呃自己我未俾人睇哂，呢一樣係佢地心理上最後既一道防線，喺鏡頭面前都可以放膽啲。
又或者試諗下，如果冇打格仔既話，以日本社會嚟講仲會唔會有咁多高質素既女仔下海拍片
？至於有人懷疑FANZA會唔會係成件事既幕後黑手，報復SOD同Prestige既落架行動，我個人唔排除呢個可能性，但以FANZA而家隻手遮天既市場佔有率，與其用呢個方法嚟報復，作為商家正常應該係會諗下有冇其他條件等呢兩間片商回心轉意，大家繼續合作落去，咁樣聽起嚟會比較合理，亦都似返日本人既做法；再講除非FANZA有信心唔會俾人踢爆，如果唔係傳咗出去既話對於佢地既品牌係極大既損害，我覺得FANZA冇必要冒呢個風險。
所以我個人都係比較偏向相信呢兩間片商喺網絡安全上做得唔夠，先至造成今次呢個俾文春形容為「史上最大既流出事件」
- - - - - - - - - - - - - - - - - - - - - - - - - - - - - - - - - - - - - - - -
6. Ideapocket 十五週年
老牌美少女片商Ideapocket今年係十五週年記念，為咗隆重其事就搵嚟自己旗下既十五位專屬女優嚟做各方面既宣傳。
之但係，張宣傳海報一貼出嚟，就引起唔少騷動。
點解企喺中間既，會係桃乃木かな？
慢慢由中間睇起，桃乃木兩邊既係楓カレン同相沢みなみ，然後係年資最老嗰兩位，天海つばさ同希島あいり，跟住有明里つむぎ同西宮ゆめ，再後面就係岬ななみ同其他新人，而都有唔少人鐘意既桜空もも亦都排咗去後面。
好多人對於呢個排名唔忿氣既原因，係因為銷量上相沢同櫻空都比桃乃木好，月榜又好日榜又好兩個人都名列前茅，作為一個片商既宣傳活動，理應係將銷量好既女優擺喺正中間做生招牌。
而桃乃木嗰邊既FANS就認為，桃乃木既FANS基數係咁多個女優入面最多，喺Ideapocket都有返咁上下年資，企中間做生招牌好合適，唔明啲相沢FANS喺度嘈乜
利申返我自己就支持相沢嗰邊既
我亦都認同以一間AV片商嚟講，銷量比較實際，而且相沢人氣亦都唔係低到一個接受唔到既地步，起碼唔係講個名出嚟冇人識，作為宣傳既當眼位我會覺得相沢比起桃乃木更加適合。相沢同桃乃木都仲有啲爭論既餘地，只不過桜空もも排到咁後…我就真係諗極都唔明喇
想講多少少相沢みなみ，由上年回歸之後開始，日榜上面相沢成績都好好，但嚟到月榜就永遠跌到去廿幾三十，呢個現象一直由上年維持到今年。
之前都仲會認為係FANZA存心要壓一壓相沢既氣焰，等相沢知道邊個先係揸莊嗰個，但嚟到今年都係咁，我就覺得有可能唔止FANZA呢邊刻意打壓，甚至連事務所都冇為相沢反映過呢個問題，因為照計冇理由睇住相沢咁樣俾人明恰兩年都冇改善
令我開始有一個陰謀論既諗法：會唔會唔止FANZA嗰邊打壓，喺44 Group事務所入面相沢都係勢孤力弱呢？喺事務所入面，J社長走咗之後，得返相沢一個人孤軍作戰，呢兩年因為疫情既關係，相沢已經冇得喺最得心應手既海外市場度盡情咁發揮所長；就算喺國內都好，照計以相沢既人氣，隨便一個碟鋪event都可以逼爆秋葉原，但今年相沢只有一次event，如果唔係相沢本人唔想搞既話，我會懷疑會唔係事務所冇同相沢爭取過呢啲機會呢？
當然照計冇理由事務所見到有錢都唔搵既
所以呢個都係我一個誇張少少既諗法，大家可以睇完就算，但相沢跟住落嚟喺IP社既發展，大家不妨都多啲留意一下，有可能唔係表面睇得咁伯樂
- - - - - - - - - - - - - - - - - - - - - - - - - - - - - - - - - - - - - - - -
7. AV女優YouTuber
最後就想同大家推介幾個我呢大半年都有follow同睇開既AV女優YouTuber，今年又多咗唔少女優開始向呢個方向發展，有啲都真係整得幾有心機，搵咗幾個推介俾大家
首先係深田えいみ既Channel，而家佢既名氣已經大到可以同其他知名非業界既YouTuber合作，佢自己亦都會搵其他女優同男優上嚟做嘉賓，爆下AV界既內幕，我有唔少資料都係睇佢嗰度先知
所以擺喺第一個
然後係青空ひかり既Channel，雖然開得3個月唔多片，但青空幾有心去做，得閒都可以開嚟睇下。
唯井まひろ就比較多技巧同知識類既片，趣味性同娛樂性就未必高，但全部片都有中文字幕，雖然譯到唔知似乜，但都勉強睇得明既
之後係今年轉咗去Madonna做專屬既栗山莉緒，喺佢YouTube Channel反而會睇到更多佢甜到漏既一面，更加令我諗唔明點解佢會移藉過去Madonna
最後係橋本ありな早上個月開既Channel，暫時內容都幾有趣，又係有字幕，佢本人鐘意睇啲恐怖片驚嚇野，嚟緊個Channel唔知會唔會有呢啲題材睇呢
- - - - - - - - - - - - - - - - - - - - - - - - - - - - - - - - - - - - - - - -
以上就係今年我整理出嚟同大家分享，今年既AV業界大事同一啲現象，嚟到最後就俾我用少少時間總結下今年喺成人台既工作啦
喺成人台做呢堆野不知不覺已經過咗三年，首先都係多謝大家過去呢一年既支持
由AV討論po，到每個月既月榜，唔同片商既情報po，我都衷心感激有份幫手推又或者留cm討論既巴絲打，甚至CD-ROM都好，非常多謝大家唔嫌棄我文筆差劣，入嚟睇我鳩up
今年真係體會到一個人做到既野真係有限，但我都希望成人台會有一個良好既AV討論文化，大家上嚟可以知道最近有咩新片，有咩女優好賣好睇，想搵人吹AV水都會搵到人同你傾，幾唔夠時間都好，呢幾樣野我都想keep住做落去，直到我俾人ban為止
今年年頭就出咗一篇一直好想寫落去既AV幻想劇，滿足下我想做AV導演既幻想
一路都好想寫第二季，一路都好想同大家繼續睇廣東話既AV，一路都好想俾大家身歷其境感受下俾阿橋、坂坂、檸檬，三個咁正既美少女爭住同你搞野既感覺，我連用邊套AV去講都揀好哂，有啲咩其他女優客串都諗好埋，2022年希望可以有時間同有機會寫埋落去啦
(AV 幻想劇) 集合啦！女優同學會！ 第一季
https://lih.kg/gEDxQS
然後7月就出咗一篇全裸監督既劇透分析，都算係今年既代表作，以一個鐘意睇AV既咸濕仔角度出發，講返一啲大家可能冇乜點留意到既野，同我一樣鐘意睇AV既朋友，呢套劇真係唔好錯過
(劇透+解析) 從全裸監督2，細數日本AV業界變化。
https://lih.kg/2623583
之後今年亦都開始做一啲AV女優既訪問翻譯，好好彩搵到一個好朋友幫我手做校對，我亦都順手學下日文，亦都等自己對女優同呢個行業有更加多方面既了解，呢啲翻譯如無意外2022年都仲會繼續有得睇既，想睇就留意住成人台啦
(AV女優訪問翻譯) 相沢みなみ（相澤南）出道五週年紀念訪問
https://lih.kg/hEgCjS
（仲有其他，不過唔一次過貼喇
想睇就起底
）嚟緊2022年，有機會大家會喺其他平台見到小弟既廢文，至於係咩平台暫時都仲要賣下關子先
總之一搞掂就會同大家匯報，希望大家到時都會多多支持
放低一張葵司結束今年既回合，最後喺呢度祝大家聖誕快樂同新年快樂！同埋2022年我要通關
！
沒有留言:
張貼留言